peyne ende verbuerte, indyen zie des in ghebreecke waeren, te wesen ter pnblicatie ende
wuytroepinghe, zo .verre zy zyn ter Plecken, daer die ghedaen zall worden, ende den eed
tedoene van der onderhoudenisse van derzeluer ordonnantie, oft zo saen (sic) als zieghecomen
zullen worden in hueren Schependomme, een yeghelyck hondert ghouden Garolussen van
hueren eyghen gueden te verbueren; ende voert meer op te peenen van onse voersz. Officieerß,
ende de voersz. Schepenen ende layden van der Wet, indyen zy dat verzwymden te pro-
cederen, ende-voert te ghaene totten wysdomme ende correctie van den voersz. ouertreders,
’t ghebreck ende faulte tot huere kennisse commen zynde, te wetene onse voersz. officieers
op priuatien van huere voersz. officien, ende de voersz. Schepenen ende luyden van der Wet,
op priuatie van hueren Schependomme, sonder nymraermeer daerinne wederomme te moegen
commen; ende voerts meer op verbuerte van ses hundert gouden Carolussen ghulden, by
eenen yeghelycken van hemluyden, oeck van hueren properen eyghen ghueden als voeren
sonder verdrach ofte gratie. Ende als van onszen Officieers van ontfänghe ende van justitie,
reekenynge doende binnen onsen Landen ende Heerlicheyden, wy ordonneren, dat binnen
xv daegen na die publicatie van deser jegenwoerdighe ordonnantie ten lanxsten, zie solem-
nele eed doen van der onderhoudenisse derzeluer ordonnantie in handen van den luyden van
onser Reekenynghe, voer die welcke zy ghehouden zyn te reeckenen;, en indyen zie verre
van daen wonachtig zyn, zy zullen mögen huere voersz. eed doen in handen van den
Hoefden van der Justitie, onder die welcke zie huere officie bedenen. Ende van den eeden,
die Grieffyers ofte Secretarys in de Houen van Justitien, daer den zeluen eedt ghedaen
zall zyn, maecken ende houden zullen register. Wy ordonneren oeck alle onze Officieers,
een yeghelyck in den bedryue, limiten ende paelen van zyn Jurisdictie, ende die Generalen
van onsen raunten, ende elken van hen, dat zie ouer alle onse Landen ende Heerlicheyden
neerstelyck vernemen, ende ondersoeken op de conduyte, ende beleet van onszen Onder-
saeten ende 'andere, residerende ende verkerende in onsen Landen, ende oft zie dese jegen-
woerdyghe ordonnantie onderhouden ende achteruolghen oft nyet. Ende ten eynde dat zie
te bat daer to moegen coemen, om de warachticheyt daer aff te weten, wy hebben hen ghe-
gheuen commissie, macht ende auctoriteyt, ende sonderlinghe beuell by desen, besondere
onszen voersz. Officieren te ondervraeghen ende examineren by trouwe ende eede, een
yeghelyck in zyn Jurisdictie, alle die gheenen, die hen gueddunckeh zall, oft zie weten
oft kennen, datter enyghe ouerghetreeden, oft yeet teghens die zelue ordonnantie ghedaen
soude hebben; ende beuelen den gheenen, die ondervraeght ende geexamineert zullen wee-
sen, daer aff die waerheyt te seggen ende verclaeren, op te verbuerte van hundert ghouden
Carolusen, te incurreren by elken van hen-, die des recuserende ende in ghebreecke waren,
ofte andere peyne arbitrarie. Ordonneren onszen voersz. Officieren, een yeghelyck in zyne
Jurisdictie, te procederen teghen die voersz. ouertreeders tot executie van den peynen, daer
to geordonneert; ende den voern. Generaeis van der munten, dat zie van, den fault ende
ghebreecken, die zy befynden zullen, ons rechtfaerdich rapport doen, ende in onser absentie
onszen voersz. Yrouwe ende Moeye, oft an den voersz. Hoefden ende luyden van onsen
secreten Raede, ende van onser voersz. Einantien, omme daerinne te verseen alst behoren
zall. Alle welcke peynen ende boeten, hyr bouen verclaert, zullen gedistribuSrt worden,
te wetene, 66n derdendeell tot profyte van den wroegher (1 ) ende anbrengher, en d e ’t
ander derde tot profyte van den Officierdie d’executie doen zall van de voersz. boete; ende
die zelue peynen ende boeten willen wy, ende ordonneren terstondt geexecuteert te worden
preciselyck, nyet jeghenstaende oppositie ofte appellatie ghedaen ofte te doene. Ende of
yemant van den ouertreders van den voersz. Ordonnantie appelleerden van der executie van
denzeluen peynen, oft hemluyden opposeerden, in dyen gheualle wy ordonneren den Hoefden,
Presidenten ende luyden van onszen secreten ende groeten Eaede, ende w. Stedehou-
dere, President ende luyden van onszen voersz. Raede in Yrieslandt, ende allen den officieren
ende luyden van der Wet van den voersz. Landen, ende anderen, die *t anghaen
sali moegen, ende elken van hem besundere, dat zie d’appellanten nyet en accorderen oft
verleenen brieuen van releuemente, noch andere prouisie, inhoude (sic) clausule van inhibitien.
Ende ten eynde dat van desen onsen voersz. ordonnantie nyemant cause van ignorantie en
pretendere, wy willen dezelue ordonnantie gepubliceert, ende wtgeroepen zy ouer alle die
Steeden ende andere Plecken van onsen voersz. Landen van Yrieslandt, daer men ghe-
woentlyck is, wtroepinge ende publicatie te doen, den eersten dach van Januario naestco-
mende, ende die copie van dezelue, in 'ghuede leeselycke let^ere, ghehecht ende ghenäeghelt
an de poerten van den voersz. Steeden ende andere Plecken, ende van den kercken van
den voersz. Landen; ende dat oeck-die copien van der instructien, die de Generaeis ghe-
gheuen hebben die Wisselaers, geordonneert in den voersz. Landen, in ghueden lettere als
bouen ghehecht worde omtrent den Plecken, daer die voersz. Wisselers hem houden zullen
blijuende onse ordonnantie van den jaere xyc ende xx opt stuck van der raunte, hyr voeren
verhaelt, in allen zyn punthen ende articulen, zo verre die by deze jeghenwoerdyghe ordonnantie
nyet expresselyck gederogeert en zy, in zyn gheheell. Outbieden w daeromme,
ende beuelen seer scherpelyck, ordonneren ende committeren by desen, dat ghy onse je-
ghenwoerdighe voersz. ordonnantie doet wtroepen, ende kundyghen op ten voersz. eersten
dach van Januario naestcomende ouer alle die Plecken van onszen ¡voersz. Landen van
Yrieslandt,’ daer men ghewoentlycken es publicatie ende wuytroepinge te doene, ende die
<1) Oud-Nederduitsch; d. i. aanklager„