sylvis larvas Phalaenae mónachae et quadrae, aliis avibus intactas,
avide vorat. Apud nos in Campestribus Scarabaeos et Carabos legit.
Nidus in arboribus cavis et ad campestria ilumina in praeruptorum
ripae cavernis, uti Meropis. Adpropinquantem nido hominem vel
feram clamore gravi circumvolitant et cum Pica caudata in aëre
acriter cönfligunt. Ova duo albissima, columbinis paria, sed magis
globosa, praesertim e duobus plerumque alterutrum (axi 1". 3'".
diametro 1". i'".) Pulli sub finem Julii adulti evolant et sub finem
Augusti cum parentibus migrant.
Observ. Pullis color exoletior, aerugineo-cinerascens. Tuberculum
album supra incurvum rostri apicem, quale in pullis Vul-
turum, Falconum et aliarum quoque avium observavi; sed in Cora-
cia etiam postquam pulli evolarunt perstat tumque sensim evanescit.
Juniorum pondus unciar. 5, cum semisse. Deplumatae mole Turtu-
ris. Cum Merope, haec pulcherrimis, inter nostrates, splendet co-
loribus. ■— Ventriculus carnositate tenui, vix i'". crassa; plicis intus
magnis. Hepar fere in duo sectum, lobis vix cohaerentibus, sinistro
submajore. Intestina dupla longitudine trunci.
XVI. C U C U L U S.
Unica etiam hujus generis species boreale haemisphaerium fréquentât,
et ubique nota est, ubique eadem, in Sibiriam usque maxime
orientalem frequens, et cum praecedentibus ad austrum demi-
grans, confirmati veris certissima nuntia.
84. C U C U L U S borealis.
C. cauda rotundata, corpore subtus albo, fusco virgato.
Cuculus auctorum, Willughb. orn. p. 62. tab. 77. Raj. syn.
pag. 23. Albin, av. I. tab. 8. Frisch, av. IF. tab. 40 - 42.
(varietates sexus et aetatis) Brisson. av. IF. p. io5. Zoolog.
britan. p. 80. tab. G. Mas, G. x. femina.
Cuculus canorus, Lin. syst. XII. I. p. 168. sp. 1.
Rossis Kokuschka; Malorossis Sosülae. Tataris Kukoe et Kukua;
in Sibiria Kaük. Baschkiris Kokuk. Mestscheraecis Kuki;
Kirgisis Kükuk. Tschuwaschis Kóga. Jacutis Kerar et Kaga.
Bucharis et Persis Kaebuk. Tawgicis Samojedis Küty; Obdo-
nensibus Chuty. Morduanis Kuku ; Permecis Kon; Lettis
Dsegguse; Esthonis Kaeggi. Votiacis Kyku; Vogulis Küch et
Kaküch; Ostiacis Gêïhe et Kukh.uk; ad Paracel et Keta fl.
Schagua. Calmuccis Kühhük; Mongolis Koekoekae; Buraetis
Kuchoi. Armenis Opop. Tungusis ad Lenam Kukty; in Dauu-
na Kekii. Tangutis Kujig. Indls Koyel. Japonis Kakodori.
Camtschadalis Kónkutschutsch; occidentalibus Koakutschitsch.
Coraecis Kdikuk. Curilis Kakkok.
Per universam Rossiam et Sibiriam, etiam in borealibus (quo-
usque sylvae sunt) aestate passim exaudienda; etiam in Camtschatca
adest, ubi circa 10 Junii, imo demum sub .finem mensis, cantare ïn-
cipit. Nusquam copiosiorem audivi, quam in Dauuria, ibique medio
Maji cucullare incipit, adeo vocalis, ut saepe sexagmta voces, non
interrupta serie continuantem miratus sim. Valde etiam canorus et
frequens in montanis nemorosis Tauricae. Femina umsona. Ova nido
Motacillae, saepissime coeruleculae vel currucae singula mandat,
turchesino colore virentia, pondere drachmae cum gr. decem vel vi-
ginti. Pulli saepius nido excussi, in sylvis et vepretis vagi occur-
runt, antequam volare didicerunt, et pro infortunata et ominosa ave
apud plebem passim habentur. In australibus nati pulchenime va-
riegati, multoque, quam adulta avis, venustiores; in borealibus minus
speciosi.