Nobilitate secunda haec species, quia saepius occurrit, et pro
aetate colorera mutât, ab auctoribus mire multiplicata est. Circa
Uralense jugum et in alpestribus Sibiriae etiam orientalis ubique est
inquilina, hyemem migratoria fugiens. In insulis Cunlis occisi de-
scriptionem in schedis S te lle r i inveni. Vere (initio circiter Apri-
lis), cum majoribus avibus aquaticis ex austro adventat easque quasi
comitatur, unde tune circa Caspiam paludem et in tractu Rhymni
frequens apparet. Inde migrât secundum catenam montium uralen-
sium, per quam ad nidos passim dispergitur, usque in regiones maxime
boréales, mari glaciali vicinas; habui enim inde allatum cum
ovis. Intra Rossiam vix nisi excelsas ripas calcareas, infra Casa-
nium secundum Volgam praeruptas incolit, quarum inde pars, supra
Samarae ostium, Sokolie g o ry appellatur. Baschkiri quotannis e sum-
mis et inaccessis rupibus pullos rapiunt et educant; adulti enim, prae
feritate, vix e.ducari posse ferruntur. N idum supra saxa, e virgultis
texit, vel nudam fossam seligit, in alto, locis maxime praeruptis.
O va plerumque bina, rarius terna, rarissime unicum, globoso-ovalia,
lateritii coloris, saturatius rufo confertim irrorata, pondéré drachma-
rum X/3. Ubi nidulatur Falco, aves aliae, praesertim aquaticae, in
vicinia frequentes nidificare observantur, quasi sub ejus tutela; est
enim rapacibus ignobilioribus infestissima et timenda avis, imo mas
hominem nido appropinguantem cum clamore in aëra sublatus, ex
alto silenti impetu adoritur, et adeo improviso saepe in caput involat,
ut incautum vix non e rupe deturbet. Femina contra ita tena-
eiter inhaeret nido, ut proxime admittat hominem, et incubante
mare, ilia excubias agit. — Venatur itidem ex alto, adeo arduo vo-
latu, ut saepe vix inter nubes appareat. In anates natantes impetum
faciens, quandoque mergitur madefactisque plumis manu capitur.
Vox rara, iracundo fere Cornicis vel Picae aemula. Frigoris impatiens
est et cicur a gelu defendi debet, ne digitos sphacelo amittat.
Calmuccorum et Tatarorum principes et proceres Falcones propter
venationem, summo in honore habent, et magna curant diligentia.
Plantam quandam, quam Chumusur - ebessyn vocant Calmucci, cujus
specimen obtinere non potui, vere in pratis ad Volgam legunt, ejus-
que decocto falcones saepius lavant, ut a pediculis et scabie liberen-
tur et plumae laetius crescant, quern etiam effectum in homine ad
tineam exserere decoctum illud dicitur. Tatari Nogai'ci herbam Ari-
stolochiae Clematitis eo scopo adhibent, quae forte eadem cum ilia
Calmuccis usitata.
D e s c r . T d B . IV . M a r is adulti: Magnitudo inter corvum et
cornicem; facies Subbuteonis. Rostrum basi coerulescens, obiter bi-
dentatum, maxilla inferiore utrinque leviter sinuata. Cera flavissima,
narium aperturis rotundis, papilla centratis. Palpebrae late nudae,
pallidae, irides fuscae; superciliare suggrundium nudatum. Vertex
cum cervice exsolete nigra; area sub oculis maculaque mystacea a
rostro descendens atra (quae etiam junioribus). Dorsum usque in
caudam, alarumque bases plumbeo-fusca, obscuro transversim fascia-
ta. Remiges interius areis transversim e rufo albis Subtus avis ru-
fescente - alba, vel lactea; gula immaculata, jugulo punctis sparsis
terminalibus, pectus taeniis transversis nigris, interruptis (*), crisso
sensim obsoletioribus, brachia subtus creberrimis. Cauda alas com-
positas vix excedens; rectrices extremo angustatae, fusco - plumbeae,
fasciis transversis circiter decern nigris, apice albae. Femora punctis
sagittatis. Pedes robusti flavissimi; tibiae brevieres; digiti elongati,
verrucis articularibus haemisphaericis, exterior plica laxa divarican-
,(*) Singulare in his avibus quod variegatio junioribus longitudinalis, adul-
tis transversa sit.
4.2