cursu inter se alarum ictibus pugillatum ëxercere. Amant Otides
loca desertissima, arida, ab aquis longe remota, praesertim aestate,
prolificationis tempore. Nidus fovea parum excavata, in piano et
nudo campo, pedali-diametro, gramine exsiccato superficialiter strata;
Ova pro tanta ave parva, anatinis subaequalia, bina, ad summum
quaterna, pondéré unciarum 4* vel 4b diametro verticali 3". trans-
verso paulo supra a", colore olivaceo - pallescente, lituris maculisque
fuscis conspurcata, fere instar ovorum Arquatae. Incubât mater
quatuor septimanas ; Junio pullos excludit, parvos , uti ova , fusco-
gryseo, pallidoque longitudinaliter varios, lanuginosos. Percepto
homine mas_ sono amoenissimo, tenui, sed longe exaudiendo gregem
admonet ; dum alias fere mutae sint. Fugiunt primum cursu, erecto
instar Scolocapum collo, tandem tarde et longo tractu subvolant, ut
alibi, locisque maxime apricis consideant. Sponte, extra migrationis
tempus vix volant, sed tramites circa nidos currendo efficiunt, in
quibus Sibiriae incolae laqueos statuere soient. Mas solus ad aquam
accedit, et incubanti foeminae potum in sacco sublinguali adfert
qui foeminae deest. Haec enim nidum non facile deserit, et prope
transeunte équité extenso collo se apprimit terrae, ut xix appareant
homini ; sed sagaciores equi saepe conspecta in nido Otide fulminis
instar impetu feruntur, et avem pedibus conculcant. Curru iter fa-
cientes, dum in campis pascuntur, prope accedere patiuntur, specu-
labundae, sed minimo hominis gestu in fugam vertuntur. Equum
vel armenta non timent, sed hominem e longinquo fugiunt, etiam
inermem. Propterea venatores vel post equum latentes, vel tecti
lineo velo quod instar scuti ante se expansum gerunt, intra sclopeti
ictum accedere didicerunt. Cosacci ad Tanaïn supra axem duabus
rotulis instructam virgulta figunt et sic reptabundi rotas ante se agunt,
nt post virgulta ilia latentes Otides fallant. Cames pinguiorum et
juniorum deliciosae, pessimae foeminarum incubatione emaciatarum,
et seniorum, ni aceto prius macerentur. — Captae cito cicurantur,
stupidae aves, et inter domesticas aves agunt, sed speciem non propagant.
_ In borealiores regiones haec avis non venit, nec ultra
Baïcalenses regiones in Sibiria datur; hinc nec in Americam transiit.
Descr. Lingua marginibus versus basin spinosis, apice bifida
(quod male in Linnaeo reprehendit Buf fonius) . In mare frae-
num sub lingua duplex, interque plicas distantes apertura sacci pe-
culiaris, oblongi, anserino fere ovo capacioris, ad medium usque
collum extensi; oesophagus item in mare ampullatus et circa medium
collum secessu ingluvioso, ejusdem fere capacitatis instructus.
Hinc gula laxe extus plumis utrinque ad medium colli elongatis, ra-
ris, setaceis barbata, quae foeminis junioribusque desunt. — In o-
mnibus lanugo inter plumas pallide et amoene rosea. Dorsum rectri-
cesque mediae fulvo nigroque transverse fasciantur ; remiges pleraeque,
praeter rhachin et marginem interiorem, nigrae; reliqua fere alba,
maculis tantum in jugulo fulvis. Remiges 2.5 ad 3o, interiores fere
totae albae, ut et tectrices secundariae. Rectrices 20. latae in utro-
que sexu, omnes, praeter extimam, fascia latiore nigra versus api-
cem; mediae dorso concolores. Pedes fusci. Pondus foeminis libra-
rum 8 ad 12 medicarum; maribus 18 ad 28. Mensura masculi me-
diocris ad uropygium 2'. 4". 5"'. alarum expansarum 5'. 10". 0. com-
positarum i'. 11". o'", caudae 10". 2'". femorum 8". tibiarum 5". dgi-
ti medii 2". 6"'. rostri ad fraenum 3". Trachea recta in thoracem
descendens. Ossa alarum vacua. Cystis magnitudine fabae. Ventri-
cuius carnosus, vix triturans, insectivorarum similis. Intestinum am-
plum, quadripedale; coeca amplitudine digiti, pedalia.
*