Calmuccis Surkura.
In Rossia frequentius, in Sibiria rarius occurrit, in genere minus
copiosus praecedente, et tardius adventans, unde videtur austra-
liores regiones praeferre , neque boreani petere. Saitim in arcticis
Sibiriae plagis ignoratur. Caeterum mores et vitae genus omnino
Oloris.
Not. Mirum in tam tritis hodienum laborareZoologiam et de
Cygni specie duplici europaea diu dubitatum fuisse. Cygnus mansue-
tus dictus seu sibilus, non minus spontaneus vivit, nee quisquam,
qui vel eminus natantem ilium cum Olore comparaverit, ilium pro
varietate habebit. O]ores maximos aequat; natat pulcherrime flexo
(in sigmoidem formam) collo, nutante capite quasi superbiens; quum
contra Olor collo recto, caput ad angulum rectum horizontale susti-
neat. Cygnus sibilum pro voce edit. Trachea illi non adeo anfra-
ctuosa, ut Olori. Cygnus semper candidissimus, solo vertice palle-
scente, canoque subargentato, capite paulo breviore. Plumae vertï-
cis illi rigidiusculae, elongatae, extremis quasi setosis, rudiusculis,
nitidis; at in Olore molles hrevesque plumulae. Maximum -discri-
men in conformatione et colore rostri: in Olore rostrum depressum,
extremo latius, ungue latiore, acie crenulato, dorso inter nares an-
gusto jugo subangulato, basi nuda, flavissima, ad frontem plana,
tuberculoque utrinque subangulata; loro nudo, usque ad palpebras
flsrvas, flavescente. In Cygno contra rostrum paulo latius, coccineo-
rubrum, ungue et membrana nares perficientè, mandibulae item basi
et membrana inter ramos nigris; tuber magnum, carnosum, ovatum,
nigrum, rostri basi a fronte imminet, Cera, vel area nuda inter
oculos et rostrum , magna, triangularis , cum palpebris nigra. Maxilla
superior in Olore mobilior, totaque rostri basis debilior; nares
apice propiores. Mensurae rostri, imo capitis, tantum inter se differunt,
ut ex iis solis nemo conjungendas species suaserit; quas hic
referre longum foret : Pulli Cygnei primo anno gryseo - albidi.
LUI. A N S E R E S.
Genus Anserinum a Cygnis et Anatibus vitae genere differt, et
licet aquas frequéntet et natatione delectetur, praecipuum tamen ali-
mentum in sicco, ex herbis et graminibus tenerioribus quaerit. Ideo
et rostro robustissiitto, ad morsum exacuato, et pedibus gradiendo
aptioribus, magis in aequilibrio positis, instructae sunt Anseres.
Amant ideo loca herbis luxuriantia et simul aquosa, et maxime regiones
borealesj ubi herbae teneriores et succulentae per totam ae-
statem suppetunt, et ubi simul in vastis paludibus et ericetis solitu-
dinem exoptatam, pro educanda securius prole, et permutandis plumis
inveniunt, minore simul numero avium rapacium periculum minkante.
Quandoquidem yero regiones illae boreales hyeme sunt in-
hospitae, omnes Anserum species quotannis secundum strictam legem
migrant, non, uti Grues, Ciconiae, Ardeae et Scolopaces atque
Anates p'lures ,' versus meridiem, ubi pabulum vegetabile illis gratum
non suppetere videtur, sed verosimillime versus A mericae septentrio-
nalis situs temperatiores, magnis lacubus et maris sinubus occupatos
et hyeme mitiore gaudentes. Constanti enim. observatione confirma-
tum est, Anseres, feros abeuntes e Rossia et citeriore Sibiria versus
occidentem aestivum, e Sibiria vero ulteriore, versus orientem aesti-
vum et hybernum tendere; et licet vere in australibus prius appa-
reaut, id tamen fit propter hanc solummodo rationem, quod aquae
ibi citius a glacie solutae, et vegetatio promptior est, unde ex trans