rat; (non ex albis, ut B u ffon iu s autumat, variae et nigrae oriri
potuissent). Nigrae, pvaesertim macilentae, ova saepe sordide fla-
vescenti vel pallida testa instructa pariunt, sed pinguiores factae,
albissima. Nascuntur et inter rusticas pentadactylae, digito postico,
vel apice tantum bifido vel usque ad articulum duplici, ramo alter»
etiam saepe praeter unguem biarticulato, imo triarticulato.
Varietas ß. tantum in urbibus colitur, et quum albo guttata est
Rossis Serebraenaja, cum luteo guttata , Solotaja Kuriza (argentea et
aurea) appellari solet. Rarior huic affinis varietas, quam Hambur-
gensem Ornitliotrophi angli appellant, tota atra, crista plumarum
maxima alba, haud barbatae, pedibusque nudis, inter omnes cura
humana productas varietates me judice pulcherrima. — Minori gra-
du cristatae , imo et barbatae, hybridae ex prioribus vel casu natae
inter vulgares plurimae generantur.
Varietas y. partim e Gilano Persiae per Astrachaniam, partim
ex Anatolia illata, omnium maxima, ita ut perfectae magnitudinis
Gallus e tabula stans cibum capere fere possit. Crista carnea his
exigua, fere ut Caponibus, quasi resecta, collum ereetum , pedes
magni, proceri, robustixsimi; color plerumque ad nigrum tendens,
fulvis plumis varius, praesertim jubis gallorum. Paucipara haec species,
alias pro patinis egregia. Pulli quum lanuginem exuerunt,
diu fere nudi incedunt, plumis tarde erumpentibus, et magnitudi-
ne femorum, etiam in hybridis, facile agnoscuntur: Rossis Gilanskie
vel Anodolskie Küri.
Varietas <J. Ex Anglia praesertim importata, admodumfoecunda
et sapida, bonae molis, monstrosam conformationem optime propagat.
Varietas e. Astrachaniae e Persia, in Sibiria a Sinis, Petropoli
ex Anglia importata, nigredinem cutis, cristae, menyngis, pentonaei
et periostii diu, etiam in hybridis, licet alieno Gallo natis, propagat,
quae plumas quidem ordinarias, non setaceas, sed plerumque tarnen
albas gerunt. Sunt autem sapidissimae, tenerrimae carnis, caponibus
vix posthabendae, et femorum crassitie commendabiles. In melano-
dermis piloso - plumatis vidi varietatem pentadactylam, constanter sic
propagantem.
Varietas g. variis in locis mihi oblata est, plumis rariusculis,
reversis et subcrispis, plerumque albis vel cinereis, cute simul, praesertim
gallo, per totum corpus ruberrima vel purpurea. Hi pluma-
tionis tempore toti fere nudi incedunt, tetro aspectu, et vel degene-
ratione per clima, vel a nigripelli varietate ortum trahunt. (Varietatem
uropygio destitutam nunquam vidi in Rossia).
Varietas ti. auriginösa, pedibus flavis, et cute per totum corpus
itidem flava, apud Rossos frequentissima est, in genere pro de-
bili et pärum vivaci habita f copiosius forte orta apud nos a morbo-
sa constitutione matrum, quas per longam hyemem sub fornacibus
plerumque conclusas alunt, (quo hepar praecipue affectum et hyeme
vix in ulla gallina esui aptum observavi) , ut mirum sit ullas vivere
eo modo posse, quum saepe vere inde prodeant totae pediculosae et
deplumatae. Sed est in genere robustissimum ad omnia ferenda genus,
unde per omnia climata speciem multiplicavit.
Varietas rl. maxime in australioribus vulgaris, saepe e nigra et
alba parente prognata, maxime singularis mihi visa est, propter va-
riegationem transversam seu doliatam, cum potius guttata et maculosa
omni Gallinarum plebi solemnis sit. Est haec varietas plerum-
que cinereo - fuscoque per omne corpus doliata, in Tauria etiam
dantur insuper luteis guttis adspersae et elegantissimae pictae.
Varietas x. Tantum a curiosis passim alitur, et clima nostrum
aegre fert; caeterum foecundissima et salacissima, ut sunt galli ejus
pugnacissimi inter omnes et audacissimi.