ioi. COT TUS Anostomus. TAB. XXL
C. capite parallelepipedo, operculis bispinosis, maxilla inferiore
perpendiculari, spinis postbranchialibus.
In littoribus Chersonesi tauricae, praesertim circa portum Se-
vastopolitanum (Ctenuntem) non raro capitur. Sed non in M. medi-
terraneo tantum hospitatur, sed et in . M. belgico a me quondam
observatus est, nisi hie specie differat?- quod comparatio docebit.
Certe simillimus.
Descr. Longitudo subdodraiitalis, caput /5. totius. Caput dia-
metro fere sesquipollicare, cuboideo - convexum, supra planiusculum,
antice mandibula plana, operculi instar verticaliter os claudente ter-
zninatum. Maxilla superior fornicata, repostilis, processu inter ocu-
los inserta, quo propulso oris rictus extrorsum cum maxilla inferiore
protenditur ( Fig. A .).' Margines maxillarum denticulato - scabri;
denticuli praeterea in antica area palati et faucibus. Lingua basin
oris opplens, rotundata, alba, subcartilaginea, adnata. Oculi superi,
ori et inter se approximati, interjecta fossa quadrata, in quam rece-
dit processus maxillae superioris. Caput totum tuberculis punctisque
prominulis inaequale et hiulcum, quorum duo transversa, detrita ad
nucham eminent; puncta praesertim in operculis radiatim disposita
Opercula branchiarum magis laevigata, limbo laxo coriaceo conni-
ventia, lineis tuberculosis subradiata mucrone conico utrinque ad
angulum superiorem. Membr. branchialis radiorum 6. tota cum operculis
soluta, ut hiatus branchiarum latissime pateat, Cottorum reli-
quorum more. Spina magna, erecta, pone aperturam branchiarum
supra pinnas pectorales. Corpus ventricosum, subtus convexum,
crassitie capitis, dorso planiusculum, molle. Lineae laterales (ut in
congeneribus) grossae, articulatae, a nucha per dorsum arcuatae,
dein utrinque secundum pinnam dorsalem subparallelae usqi te acl
caudam. Pinna dorsi prior minima, atra, triradiata (*), radiis di-
stantibus simplicibus, sed flexilibus; secunda altior, radiis i 5. sim-
plicibus, sensim decrescentibus, dorso concolor. P. pectorales laterales,
latae, rotundatae, pollice longiores, membranaceae, fuscescen-
tes, radiis simplicibus 16. quorum inferiores sensim breviores. F.
jugulares albae, sterno antice truncato, sübtridentc, prominulo inar-
ticulatae, crassae, coriaceae, radiis 5. subramosis, quorum exteriores
gradatim minores. P. ani coriacea, rad. i 3. crassis, cartilagineis,
simplicibus, antice albescens, posterius sensim fusca. Cauda aequa-
lis, fusca, 12 radiata. — Color supra, in capite et corpore, gryseo-
pallente, fuscoqne guttato - varius, versus caudam fasciis utrinque
tribus fuscis, interjectisque 2. flavescentibus longitudinalibus, subli-
turatis variis, subtus totus albissimus. Squamae minutae, molles in
corpore molli, per series obliquas digestae.
Not. Uranoscopus japonicus (Houttuyn. Act. harlem. XX.) non
minus, quam vulgaris, ad Cottorum genus relegandi erunt.
X02. COT T U S villosus.
C. cute molli villosa, appendiculis maxillae octonis laciniatis.
Cottus cute molli, villosa tectus, venenatus, Stell, obs. ichth. MS.
Species in orientali, circa promontorium Cronok et ad ostium
Itschae fl. tantum a(**) S t e l l er o observata, cujus brevem adumbratio-
nem ipsius ver!)is appono :
(*) In uno specimine quatlriradiata.
Ç * ) Nonsolum a S t e l l e n sed etiam mihi semel visus sed Individuum, secundum
quod rudem tantum delineationem concinnavi, ubique fucis et con-
fervis obductum et squalore ita conspurcatum fuit, ut vix formam corporis
exacte lineis defmire ausus sim nec opéré pretium, iconem coyi-
municandi duxerim. Similem piscem villosum sed Scorpaenam vel
potius Synancejam ad littora Japonica delineavi. i . . . . s ,
l 7